Uans apon ä teim
Eyy Bärni – scho wach?
Gründemer zemme en Kommunikations-agentur?
Ja eh, bi wach!

Ä Kommunikationsagentur?
Bi drbi wieso o nid gäu…
Also demfall hüt Obig Meeting @Esszimmer für es ersts Zemmesitze?
Joah, du hesch ds demfall voll ernst gmeint
Jo, hani eigentlich scho
Ehm bi grad chli überfragt, wi chunnsch uf die Idee?
Also… lueg der mool d’Studente us de höchere Semester aa, die
ups zfrüh abgschickt haha
…velli gründet amigs erst so im 5. oder 6. Semester eri eigeni chlini Agentur zum Freelance… und ich denk mir nur so: wieso überhaupt so lang warte?!
hmm ok ds stimmt. Und de würsch währedem Studium
scho probiere dr eint oder anger Chund a Land zzieh?
Genau! Zerst bauemer mool Schritt für Schritt eusi Agentur uf und denn luegemer mool,
wie wiit dass mer chömmet

Wär würklech no cool wemer scho itz üses eigete
chline Ding chönnte mache…
Also demfall wemmer d’Idee mool eusem Dozent vorschloh? Bisch debi?
Ja eh, mache mr üs nochli Gedanke
und de gömmer ihm mal üsi Idee ga zeige
Jo lueg, han doh scho öppis chlises vorbereitet
Ah sehr schön, auso chum de gömmer mau bi ihm ga luege waser meint
Das Treffen bei unserem Dozenten verlief erfolgreich. Er empfahl uns neben der eigentlichen Unternehmens-Webseite eine zusätzliche Webseite mit Bootstrap oder W3CSS zu erstellen, die unser Vorgehen dokumentieren soll (Das ist der hier vorliegende Chatverlauf).
Hey weisch du was Bootstrap und W3CSS isch???

Kei Plan aber ii es paar Woche
hemmers ii de Schuel, denn wüssemers.
Wie gömmer jetzt wiiter vor?
I würd säge stelle mr üs selber mal paar Frage womer
all wei beantwortet ha Zum Bispiu wi heisse mr überhaupt, was biete mr aues a?
Für was stömmer konkret, was sind eusi Wert und wie sell eusi
Website und Dokumentation eigentli usgseh?

I gloub dArbeit sött üs am Afang
nid grad usgah… i gibe mr schüsch
mal paar Videos zu Bootstrap und
W3CSS de chöi mr besser ischetze,
wiviu dass ds ztüe git…
Oki und ich überleg mer mool, was mer alles chönntet aabiete und wie euses Erschiinigsbild usgseht.?
Idee & Namensfindung
Bärni, lebsch no????

<p>hey<br>
jaja geit guet</p>
Du bisch wahrschindli nochli inere andere Welt…
Du, wemmer eus eigentli mool en Name überlegge,
demiti denn mit de Logoentwicklig chan aafoh?
Ja eh, weli Eigeschafte söu dr Name abdecke?
Ich würd glaubs ned z’wiit denke und würkli uf das de Schwerpunkt
legge, wo eus usmacht. Mer sind jungi Lüüt, wo vell Ziit in Chur
verbringet, über e gwüssi «Frechheit» verfüeget, aber trotzdem
au seriös und pflichtbewusst sind, wenns druufaa chunnt

…und wenn mer ehrlich sind, simmer vor allem
immer eis…in need of money hahaha
Ok, de spreche mr vor auem di lokale Unternehme
hie ir Region Chur/Graubünde a?
Jo genau, ich meine, mer sind jo erst am Afang vo eusem Studium
und chönnd wahrschinli nonig grad die grosse Fisch an Land zieh.
Aber so für chlini Gschäft, Vereine oder Events ii de Region mool d’Website
chli ufpimpe, Flyer oder Visitechärtli gstalte usw. So Sache hani mer denkt.
Ja passt, vo mir us chöi mr guet no dEvenfotografie
und o simpli Imagevideos drineh! Mir isch
zersch dr Name «Communicaziun» i Sinn cho, aso
Kommunikation uf Rätoromanisch,
aber dä Name gits ir Region scho. Denn isch mr
chli öpis Perverses i Sinn cho…
Ou jo, Rätoromanisch weri natürli au nice!
Bärni, mer wohnet jetzt siiteme Johr
ii de gliche WG – ich bin jederziit uf alles vorbereitet
haha

«Kommporn - Mir bringes ufe Punkt»
oder «Commporn – mir maches zäme».
Was meinsch?
Dä Name isch ähnlich wi dr bekannt Hashtag «#Foodporn»,
wo uf Social-Media-Plattforme Bilder vo guet ussehendem Ässe
zeigt (ds heisst nid , dass zÄsse o fein isch) – mir würdes eifach
uf dr Kommunikations-Ebeni mache – Kommporn oder Commporn.
Pornösi Kommunikationslösige quasi…
Finds mitem Slogan zemme no cool und passt natürli au guet zu eusere Zielgruppe.
Ich stell mer z.B. grad so Lädeli vor, wo viellecht no gar kei eigeni Kommunikationsmittel hend –
Du meinsch sozsäge kommunikativi Jungfroue?

haha genau! So à la:
Kommporn – Kommunikation mit Happy End
Kommporn – s’Viagra für dis Unternehme
Oder: Tinder für dini Kommunikation
Oder: Match-Kommunikation, mit üs chunts zum Match uf Tinder…
Ich han mer au no «Capricommunications» ufgschriibe…vom Englische Capricorn für Steibock. Aber denn fokussieremer viellecht echli gar fest uf Graubünde. Würd denn für anderi Kantön ned so funktioniere.
Stimmt, aber d'Idee isch cool
I hamr no «Studentenfutter» als Name überleit – isch eifach nid so langfristig und mir stecke üs när grad völlig id dSchublade vode Studente, was chlines komischs Liecht uf üs chönnt wärfe.
Und was mache mr wemer mit dr HTW fertig si?
Also chumm mer schloofed nomol drüber (höhö) und denn luege mer, öb mer Kommporn immerno e gueti Idee findet.
Mehrere Commporn-Träume später
Und was meinsch wägem Name für üsi Kommunikationsagentur? Es gäb bis itz no niemer wo so heisst und o dDomains wäre no verfüegbar.
Ich weiss irgendwie ned…
D’Idee findi scho guet und s’Wortspiel passt au guet, aber ich han s’Gfühl, mer müesstets denn grad ganz konsequent durezieh und uf allne Kanäl so zweidütig kommuniziere…und ich weiss ned so recht, öb das bi allne guet aachämti
Guet seisch du ds. I bi äbe o nume so haub zfride mitm Name Kommporn. I ha zGfühl dasmrne am Afang villech no cool finde, aber frücher oder speter chönnter üs ufe Sack ga.
Hmmm ach mann, es gitt scho so vell Ideene ii dem Bereich. Finds mega schwierig, öppis neus mitem Wort «Kommunikation» oder «Communication» z’erfinde.

Und was isch wemers ganz simpel mache?
Also wie meinsch?
Üsi Zielgruppe womer is Visier nähme si doch so chlini Gschäft ir Region wo villech nonid viu Kommunikationskanäl hei und villech gar chli «Hinterwäldler» si im Online- und Social-Media-Beriich. Di wüsse villech nid mau wime Comunciation uf Englisch schribt.
Communicaition*
Comunicatiob*
Communication* hani gmeint sorry
Drum übersetze mr zWort oder äbe iri Kommunikationsbedürfnis für si ine Schrift und Sprach wos dLüüt verstöh, aso mir si Kommunikeischen

Ned schlecht Herr Specht! Finde de Name
wörkli no easy, vor allem au inhaltlich verzellt
er chli öppis!
hahaha, jetzt ned grad übertriibe, Monsieur!
Mer bruuchet no irgend en Zuesatz…irgendwie à la: «Kommunikeischen – wir sprechen es aus»
Ja dä isch cool. Finges no wichtig dases o uf Schwizerdütsch guet funktioniert, wum mr mit Kommunikeischen starch uf Schwizerdütsch setze, wie wär «Kommunikeischen – wir sagen was ist»
Nice!
«Kommunikeischen – Wir geben zu reden»

Uuuuh dä isch catchy. Funktioniert of uf
Schwizerdütsch guet findi:
«Kommunikeischen – mir gäbe z'redä!»
I gloub dä näme mr.


Perfekt
Isch guet, wenni demfall mool aafoh Ideene sammle, wie mer es
simpels Logo chönntet umsetze und festlegge, was mer jetzt gnau
alles aabietet?
Ja perfekt, i mache dämfau no ar Dokumentation witer
Brainstorm
Hey lueg, ich schick dir doh no d'Notize vo eusem Brainstorming womer ufere Schuelpräsi gmacht hend ... hoffe, chasch es lese










Sehr nice!! Nei, denke das chame scho läse...
Bring es auf Papier
Hey Bärni, ich han mer no überleit, dass mer neb
eusere eigene Website mitem Corporate Design,
Leitbild und so, au no grad en Pitch-Vorlag
chönntet vorbereite – denn gseht mer grad, wie mer eus für en
mögliche Uftrag würdet bewerbe…
Itz aber du!! Itz woschs aber wüsse…
weisch eilech scho wi zLogo öpe chönnt usgseh.
Ja eh lueg, ich han jetzt mool uf Grundlag vo eusem Corporate Design und Unternehmensleitbild en Pitchvorlag gmacht. Die chömmer denn eusne potenzielle Chunde amigs zeige...
Wenn mer jo scho grad s’Wort «Communication» frei
iis Schwiizerdütsch übersetzet, denn chönntemers
jo au grad wie imene Wörterbuech darstelle. Also mit Silbetrennige
und Betonige und all dem Gschmäus. So chömmer grad nomol zeige, was «Kommunikeischen» eigentli gnau macht: im Chund uf verständlichi Art s'ABC vo de Kommunikation ufzeige!
By the way: Weisch, was isch «Living Coral»?

«Living Coral» isch d’Farb vom Johr 2019! Han denkt – mer als jungi, trendy
Kommunikationsagentur – müend das grad iis CD ufneh
Nur zmodernste und sNeuste isch gnueg guet für üs…
Nei aber gshet ja no recht cool us.
Wie laufts eigentli bi dir mit de Dokumentation?

Was meinsch wemer mau chline andere
Asatz verwende für sone Doku?
A was denksch denn so? (mir schwant Böses)
Ä Chat-Verlouf zwüsche dir und mir, wo zganze Projekt sochli beschribt,
was mr üs denkt hei, womer hei Problem gha u was üs demotiviert het

Das heisst, ich muess ab jetzt ufpasse, wasi schriibe?
genau, es wird aues 1:1 verwendet. Als Feature tüemr im Chat
aber ono so Schaltflächene dri, wome gseht wasmr eigentlich
denkt hei, wemer e bestimmte Text enand gschribe hei.
Vordergründig bini aständig und motiviert und…
Und meinsch, mer chönnd das würkli selber umsetze ufere Website?
(Denk draa, es halbs Semester Programmiere muess lange)

jaja mau luege. Ha no mit Dozente
gredt womer no Tipps gä hei.
W3CSS lömer gloubs lasi, i fokussiere
itz uf Bootstrap. Dr eint Dozent hetmr
zeigt wos so Templates für Bootstrap
git, aber di si mängisch nid suber
coded. Drum mit Vorsicht zu geniessen...
Einige Tage des stillen Schaffens in Chur später.
Hey Bärni, wie gsehts us? simmer ready?
Ja i würd säge mir si langsam uf Kurs. I muess aber ehrlech säge, dass di Dokumentation fasch meh Zyt brucht het, aus üses eigete Unternehme asatzwiis ufd Bei zsteuä.
Voll, lueg deför hemmer jetzt e Website, es nices Corporate Design, die bescht Pitchvorlag und es Leitbild, wo anderi devo träumet. Ich wörd sege, jetzt simmer guet ufgstellt zum eigene Content z'erstelle und Chunde aagoh.
Let's do this
Selina und Bärni haben den Chat verlassen.
Es blieben noch 27 Minuten bis zur Abgabe des Projektes.
Stei tjund: kommunikeischen.ch